يسيسشيشسيشسييششيشي

 محمد نبيل بنعبد الله، الأمين العام لحزب التقدم والاشتراكية، عيط على الحكومة الجزائرية باش تحل الحدود مع المغرب، حيث كيعتبر هاد الشي فمصلحة الشعبين الشقيقين الجزائري والمغربي.

بنعبد الله فواحد اللقاء اللي دارو حزبو فمدينة بوعرفة، اللي قريبة من الحدود الشرقية للمغرب، طلب من حكام الجزائر يفكرو ففرص التنمية اللي ضاعت بين البلدين، وعيط عليهم باش يبقاو بعيدين على قضية الصحراء اللي كانت وغتبقى مغربية، فالعلاقة بين البلدين.

بنعبد الله عبر على أسفو على الوضع اللي كتعرفو الأقاليم اللي فالحدود الشرقية للمغرب من تراجع فالتنمية منذ سنين، عكس باقي أقاليم المملكة.

المسؤول الحزبي سجل بلي هاد الأقاليم رغم التطور اللي كاين على مستوى الطرق وبعض البنيات التحتية، فالواقع الاجتماعي كيضل ناقص، سواء من ناحية الموارد البشرية، أو تقديم الخدمات العمومية والاجتماعية، والواقع الاقتصادي وحتى الشغل للشبان والشابات. نلاحظو أن هاد الأقاليم كتجي فمؤخرة الترتيب، خصوصا فالمؤشرات ديال الفقر والتخلف.